"Майнц"да ижарада ўйнаётган "Сток Сити" ҳужумчиси Боян Кркич "Боруссия" Д ҳимоячиси Марк Бартра шаънига илиқ фикрлар билдирди.
Бартра ушбу мавсум олдидан "Барселона"дан дортмундликлар сафига ўтган эди.
"Марк жуда кучли жамоада ўйнаяпти, бу унинг ўсишига ёрдам беряпти. "Барселона"дай клубни тарк этиш осонмас. Одамлар футболчиларнинг "Барселона"дан бошқа клубга ўтишларини оддий қабул қиладилар, аммо бундай эмас.
Германиядаги биринчи мавсум учун Бартра жуда муносиб ўйин кўрсатяпти, деб ўйлайман. Мен ўзим Маркни жуда яхши кўраман ва унинг ҳар доим ўзига мос савияда тўп суришини истайман", - дейди Кркич.
Эслатиб ўтамиз, Кркич ҳам ўз вақтида каталаонияликлар сафида ўйнаган.