ПСЖ ҳужумчиси Хотам Бен Арфа мураббийлар Моуриньо ва Диего Симеонени танқид қилди.
«Ҳозир кўпчилик мураббийлар рақибнинг ўйинига тўсқинлик қиладиган схемаларни ўйлаб топмоқда. Моуриньо ва Симеоне футболни ўлдирмоқда, улар учун муҳими – рақибга ўйин бермаслик. Бу эса футбол моҳиятининг аксидир. Йоҳан Кройфф ғояларини топташдир. Моуриньо ва Симеоне футболдаги завқни ўлдирмоқда.
Ҳозир футболни жуда кам томоша қилмоқдаман. У ўзининг жозибасини йўқотган. Ҳатто Франция чемпионатида ҳам аҳвол шундай.
Криштиану Роналду? Унинг ўйини мени асло қойил қолдирмайди» - деди Бен Арфа France Football хабарида.
