Бирлашган кураш дунёси (UWW) ташкилоти ўз сайтида россиялик курашчи Бахтиёр Аҳмедовни Пекин-2008 олимпиадаси ғолиби деб эълон қилди.
Эслатиб ўтамиз, эркин кураш мусобақасида, 120 кг.гача бўлган вазнда ҳамюртимиз Артур Таймазов олтин медални қўлга киритган эди. Бироқ, Халқаро олимпиада қўмитаси томонидан ўтказилган, допинг таҳлилларни қайта текшириш жараёнидан сўнг, у тақиқланган моддани истеъмол қилгани аниқланди ва олтин медалдан маҳрум қилинди.
Энди олтин медал Бахтиёр Аҳмедовга, кумуш медал словакиялик Давид Мусульбесга, бронза эса кубалик Дисней Родригесга топширилади.
