«Челси» бош мураббийи Антонио Конте мавсум охирида Италияга қайтиши мумкинлиги ҳақидаги хабарларга изоҳ берди.
«Мен учун бошқалар жавоб бергани ёқмайди. Пасторелло – дўстим, аммо ниманидир билмоқчи бўлсангиз, ўзимдан сўранг.
Биз чемпионлик учун курашяпмиз ва бу мақсадга эришмоқчимиз. Шундан сўнг олдимизга янада юқори мақсадларни қўямиз. Бу келаси мавсумда ҳам жамоада қолишимни англатадими? Ҳа, келаси мавсумда ҳам «Челси»да қоламан» - деди Конте.
Аввалроқ, италиялик агент Федерико Пасторелло бош мураббий Конте бошқа таклифлар туфайли жамоани тарк этиши мумкинлиги ҳақида гапирганди.
