«Chelsi» bosh murabbiyi Antonio Konte mavsum oxirida Italiyaga qaytishi mumkinligi haqidagi xabarlarga izoh berdi.
«Men uchun boshqalar javob bergani yoqmaydi. Pastorello – do‘stim, ammo nimanidir bilmoqchi bo‘lsangiz, o‘zimdan so‘rang.
Biz chempionlik uchun kurashyapmiz va bu maqsadga erishmoqchimiz. Shundan so‘ng oldimizga yanada yuqori maqsadlarni qo‘yamiz. Bu kelasi mavsumda ham jamoada qolishimni anglatadimi? Ha, kelasi mavsumda ham «Chelsi»da qolaman» - dedi Konte.
Avvalroq, italiyalik agent Federiko Pastorello bosh murabbiy Konte boshqa takliflar tufayli jamoani tark etishi mumkinligi haqida gapirgandi.
