Олий лиганинг 5-туридан ўрин олган “Шўртан” – “Локомотив” (2:0) учрашувидан сўнг меҳмонлар бош мураббийи Андрей Микляев ўз фикрларини билдириб ўтди.

"Бугунги учрашувдан афсусдамиз. Йигитларимиз яхши ўйнашди. Бугунги учрашув фақат бир жамоанинг ҳужумлари остида ўтадиган ўйинлар сирасидан бўлди. Жуда кўп имкониятларни яратдик аммо уларни самарали якунлай олмадик. Рақибимизнинг дарвозабони ажойиб ўйин намойиш этди. Кўп вазиятларда жамоани қутқариб қолди. Аммо футболда, “сен урмасанг, сенга уришади” деган нақл бор ва биз бунга бугун яна бир бор гувоҳ бўлдик. Талайгина имкониятларга эга бўлиб, уларни амалга оширолмаслик ва бундан ортиқ ўз дарвозамиздан ҳам гол ўтказиш жуда ачинарли ва аянчли бўлди.

Бизга бугун омад етишмади. Йигитлардан гина қилиш, ёки айблаш ноўрин. Сабаби улар бугун ажойиб ўйнашди, ҳаракат қилишди. Бугун бизнинг кунимиз эмас экан. Ўз ўрнида “Шўртан” жамоасини бугунги ғалаба билан табриклайман. Уларда ғалабага бўлган иштиёқ, ташналик кучли бўлди шекилли, улар унга эришди.

Рақибни назар-писанд қилмасликдан йироқмиз. Юқорида айтиб ўтганимдек биз бугун ёмон ўйнамадик, аксинча омад “Шўртан” томонда бўлди" - деди Микляев.