«Арсенал» ҳужумчиси Алексис Санчес, катта эҳтимол билан, мавсум якунида «канонирлар» сафини тарк этади. Чилилик футболчи ўзининг дўстлари ва оила аъзоларига Лондондан чарчаганини маълум қилган.
Шу билан биргаликда, 28 ёшли футболчи «Манчестер Сити» бош мураббийи Хосеп Гвардиола билан ишлаш нияти борлигини айтган. Эслатиб ўтамиз, Алексис ўз вақтида «Барселона»да мазкур мутахассис қўл остида ўйнаган.
Аввалроқ, "шаҳарликлар" Санчес қўлга киритиши мумкинлиги, унинг трансфери учун 60 миллион евро тўлашга тайёр экани ҳақида хабар тарқалганди. Ҳужумчининг "Арсенал" билан амалдаги шартномаси 2018 йилнинг ёзида якунига етади.
Чилилик футболчи ушбу мавсумда ўз жамоаси сафида 41та ўйинда майдонга тушиб, ўз ҳисобига 22та гол ёзди ва 18та голга ассистентлик қилди.