"Барселона" яримҳимоячиси Андрес Иньеста ЕЧЛ чорак финалининг биринчи учрашувида "Ювентус"дан учралган йирик ҳисобдаги мағлубиятдан сўнг (0:3) жамоасининг ярим финалга йўл олиш имкониятини чамалади.
"Бизнинг ўйинимиз чиқмади, айниқса, биринчи бўлимда. Бунинг учун иккита гол билан жазоландик. Аммо иккинчи бўлим бошқача кечди.
"Ювентус" яхши жамоа, аммо мағлубиятга ўзимиз айбдормиз. Вазият Париждаги каби жуда ёмон эмас, аммо яна катта гандикапни амалга оширишимиз керак. Ҳаммасини тўғри бажарсак, вазиятни ўнглаймиз, акс ҳолда бунинг иложи бўлмайди", - дейди Иньеста.
