"Реал" бош мураббийи Зинедин Зидан "Бавария"нинг асосий таркибидан ташқари ўйинчилари ҳам кучлилигини айтди.
Журналистлар мутахассисга бугун рақиб ҳужумчиси Роберт Левандовски майдонга тушмаса, "Реал"нинг ўйини кучаядими, деб савол беришди.
"Левандовски ўйнайдими, йўқми, билмаймиз. Биз уни майдонга тушишини тахмин қилиб тайёрланяпмиз. "Бавария" ҳар қандай ҳолатда ҳам кучли. Барча чизиқларида юқори савияли ўйинчилари бор ва Левандовскининг ўрнида ўйнайдиган футболчи ҳам муносиб ўйин кўрсатади", - дейди Зидан.
ЕЧЛ чорак финалининг биринчи ўйини доирасида "Бавария" - "Реал" учрашуви бугун, 12 апрель куни бўлиб ўтади.
