“Манчестер Юнайтед” таркибида жароҳат олган футболчилар Фил Жонс, Крис Смоллинг майнинг сўнгги кунларида сафга қайтишлари мумкин.
Хуан Мата эса июнь ойининг сўнгги кунларида жароҳатидан қутилади. Бу ҳақда “Манчестер Юнайтед” клуби расмий сайти хабар беради.
Аслида Жонс ва Смоллинг майнинг ўрталарида сафга қайтишлари керак эди, лекин маълумотларга кўра, жароҳатдан тўлиқ қутулиш жараёни ой охирига бориб якунланади. Хуан Мата бўлса, мавсум сўнгига қадар жароҳатидан фориғ бўла олмайди.
Маълумот учун, “МЮ” Англия премьер-лигасидаги сўнгги ўйинини 21-майда ўтказади. Шу сабабдан юқорида номи келтириб ўтилган футболчилар “қизил иблислар”га жорий мавсумда бошқа ёрдам бера олишмайди.
