“Manchester Yunayted” tarkibida jarohat olgan futbolchilar Fil Jons, Kris Smolling mayning so‘nggi kunlarida safga qaytishlari mumkin.
Xuan Mata esa iyun oyining so‘nggi kunlarida jarohatidan qutiladi. Bu haqda “Manchester Yunayted” klubi rasmiy sayti xabar beradi.
Aslida Jons va Smolling mayning o‘rtalarida safga qaytishlari kerak edi, lekin ma’lumotlarga ko‘ra, jarohatdan to‘liq qutulish jarayoni oy oxiriga borib yakunlanadi. Xuan Mata bo‘lsa, mavsum so‘ngiga qadar jarohatidan forig‘ bo‘la olmaydi.
Ma’lumot uchun, “MYU” Angliya premyer-ligasidagi so‘nggi o‘yinini 21-mayda o‘tkazadi. Shu sababdan yuqorida nomi keltirib o‘tilgan futbolchilar “qizil iblislar”ga joriy mavsumda boshqa yordam bera olishmaydi.
