Европа Чемпионлар лигасининг чорак финал ўйинларидан кейин УЕФА майдондаги ҳаракатлар борасидаги бир қатор статистикаларни маълум қилди.

Улар орасида «Монако» клубига тегишли бўлган статистика ўзининг энг яхши экани билан ажралиб турибди. Гап шундаки, Леонардо Жардим мураббийлик қилаётган клуб Чемпионлар лигасидаги сўнгги 11 аниқ зарбасида 9 та гол уришга муваффақ бўлган.

Бу борада монаколиклар томонидан берилаётган аниқ зарбаларни бартараф қилиш дарвозабонлар учун катта қийинчилик туғдираётгани кўриниб турибди. «Монако» нимчорак финалнинг Манчестердаги ўйинида 3 та, «Сити»га қарши жавоб ўйинида 2 та гол урди. Шунингдек, Дортмундда «Боруссия» постига ҳам 3 та гол уришга муваффақ бўлди.

«Бавария» клуби дарвозабони Мануэль Нойерда эса аксинча. Сейв намойиш қилишда Германия миллий терма жамоаси дарвозабони кўпчиликнинг ҳавасини келтириб улгурди. Гарчи Мюнхен клуби ўз майдонида «Реал»га имкониятни бой берган бўлса-да, Нойер 10 та сейвни амалга оширишга муваффақ бўлди.

УЕФАнинг қайд этишича, бундай ҳолат сўнгги бор 2003/04 йилги мавсумда кузатилганди. Шундан кейин битта ўйинда битта дарвозабонга 10 та сейв намойиш қилиш насиб этмаган.