«Интер» бош мураббийи Стефано Пиоли «Милан»га (2:2) қарши ўйиндан сўнг ўз фикрлари билан ўртоқлашди.

«Тўртинчи ҳакам ўйинга 6 дақиқа қўшиб берилганини айтган эди. Аммо у 7-дақиқада тугади. Нима бўлганда ҳам «Интер» ҳакамнинг финал ҳуштаги янграгунча ўйнаши керак эди.

Афсус, жудаям хафаман. Биз ғалаба қозониб, жадвалда «Милан»дан ўзиб кетишимиз мумкин эди.

Олдиндан бизни бошқа муҳим ўйинлар кутмоқда. Европа лигаси йўлланмаси учун кураш ҳали ўз ниҳоясига етмади» - деди Пиоли.

Эслатиб ўтамиз, «Милан» ўйиннинг 97-дақиқасида ҳисобни тенглаштирган эди.