“Барселона”нинг ЕЧЛ чорак финали дастлабки учрашувида “Ювентус”га мағлубиятига ўз фикрларини билдирган каталонияликлар собиқ футболчиси Хави клуб раҳбариятига Пауло Дибала, Марко Верраттини сотиб олиб, Дани Алвесни қайтаришни тавсия этди.

“Дибала – “Ювентус”нинг энг иқтидорли футболчиси ҳисобланади. Унинг ўйин услуби “Барселона”га мос келган бўларди.

Марко Верраттида эса жамоага тезда ўрганиб кетиш ҳислати бор, у келажак учун керакли футболчи.

Алвесни эса албатта ортга қайтариш зарур. Тўғри у кетишни истади, лекин Дани – мен учун дунёнинг энг яхши ҳимоячиси бўлиб қолаверади”, - дейди Хави Sportskeeda нашрига берган интервьюсида.