"Барселона" ҳужумчиси Неймар ЕЧЛ чорак финалида "Ювентус" билан жавоб учрашуви олдидан ўз отасининг сўзларини эслади.

Биринчи учрашувда каталонияликлар сафарда 0:3 ҳисобида мағлуб бўлдилар.

"Буни амаллашимизга ишонишимиз керак Куни кеча отам менга бир сўз айтди, бу хаёлимдан кетмаяпти. Бу жуда тўғри сўзлар эди. У менга "Қайси жамоа билан ўйнаш аҳамиятсиз, асосийси - доим "Барселона" бўлиб қолишимиз керак ва бу ўзгармайди" деди.

Бу йўлимизда давом этамиз дегани. Буни бир марта уддаладик ва яна бир марта такрорлашга қодирмиз. Мен жамоамга, слоҳиятимизга ишонаман. Йўқотадиган нарсамиз йўқ. Албатта, "Юве" - ажойиб, жуда яхши шаклланган жамоа. Оғир бўлади. Имкониятларимиз 1 фоиз, қолган 99 фоизига ишонч ва меҳнат билан эришамиз. Худо биз томонда бўлади, голла бўлади", - дейди Неймар.

Жавоб учрашуви 19 апрель куни каталонияликлар майдонида бўлади.