ЕЧЛ чорак финалида "Реал" ва "Бавария" ўртасидаги жавоб учрашувидан сўнг (4:2) мюнхенликларнинг уч футболчиси ҳакамлар хонасига киришди, дея хабар беради Sport.es
Манбага кўра, Тьяго Алькантара, Артуро Видаль ва Роберт Левандовски ўзларининг шахсий норозиликларини учрашувни бошқариб борган Виктор Кашшаи бошлиқ ҳакамлар бригадасига билдирдилар.
Таъкидланишича, футболчиларни олиб чиқиш учун полициянинг аралашуви керак бўлган.
Эслатиб ўтамиз, Видаль 94-дақиқада майдондан четлатилган, унга баҳсли сариқ карточка кўрсатилган эди. Кўпчиликнинг фикрига кўра, қўшимча вақтларда "Реал"нинг учинчи голи ҳам офссайддан киритилган.
