“Барселона” клуби собиқ футболчиси Роналдиньо аргентиналик футбол юлдузи Лионель Месси ҳақида ўз фикрларини билдириб ўтди.

“Ҳозирда Месси билан бирга ўйнаган вақтларимни эсга олсам, бундан фақат фахрланишим мумкин.

Унинг бироз бўлсада олдинга қадам ташлашида ёрдам бера олган бўлсам, бундан жуда мамнунман. Яқинда у “Барселона” сафида 500 голини нишонлайди, буни қарангки Месси биринчи голини менинг тўп узатишимдан сўнг киритганди.

Лионельни ўз укам каби ҳурмат қиламан. Месси ютуқлари учун доим хурсанд бўлиб келганман, ўйлайманки у бунданда кучлироқ футбол кўрсатишга қодир.

Аслини олганда – Марадона, Зидан, Роналдо, Ромарио, Ривалдо, Роберто Карлос ва Кафу каби буюк футболчилар билан бирга тўп сурганимдан жуда бахтиёрман”, - дейди Роналдиньо.