«Манчестер Юнайтед» ҳужумчиси Златан Иброҳимовичнинг жароҳати оғир бўлиб чиқди.
Футболчининг вакиллари билан яхши таниш бўлган журналист Жанлука Ди Марционинг хабарига кўра, у ўнг тиззасининг олд ва орқа хочсимон пайларини узиб олган. Энди у жарроҳлик столига ётади ва 8-9 ой давомида майдонга тушолмайди.
Эслатиб ўтамиз, 35 ёшли футболчи Европа лигасидан ўрин олган «Андерлехт» (2:1) клубига қарши ўйинда жароҳат олган эди.