Дилшод Нуралиев бош мураббийлигидаги Ўзбекистон ўсмирлар терма жамоаси Арманистон пойтахти Ереван шаҳрида бўлиб ўтган Development Cup–2017 халқаро турнири ғолибига айланди.
Ўзбекистон ўсмирлар термаси бугун, 22 апрель куни Кирп U-15 футболчиларига қарши баҳс олиб борди. Голларга бой ўйинда ўзбекистонлик футболчилар 3:2 ҳисобида зафар қучди.
Ўзбекистон ўсмирлар термаси сафида голларга Жасурбек Жалолиддинов, Игорь Чиркизов ва Темур Масасиддиқов муаллифлик қилди. Параллель равишда бўлиб ўтган ўйинда Македония ўсмирлари мусобақа мезбони – Арманистонни 1:0 ҳисобида мағлубиятга учратди.
Эслатиб ўтамиз, Дилшод Нуралиев шогирдлари дастлабки ўйинда Македонияни 2:1 ҳисобида, кейин эса Арманистонни 1:0 ҳисобида мағлубиятга учратди. Шу тариқа, Ўзбекистон U-15 термаси 100 фоизлик натижа билан турнир ғолибига айланди.
Кипр U-15 ва Македония U-15 термалари 4 очкодан жамғарган ҳолда 2—3 ўринларни бўлишиб олди. Мезбон Арманистон ўсмирлар термаси эса барча ўйинларда мағлубиятга учради ва очко жамғара олмади.
Мазкур мусобақа Ўзбекистон ўсмирлар термаси учун 2018 йилги U-16 Осиё чемпионатига саралаш босқичига тайёргарлик вазифасини ўтайди. Саралаш босқичи шу йилнинг 16–24 сентябрь кунлари бўлиб ўтади.
Development Cup–2017
Арманистон, Ереван
22 апрель, шанба
Ўзбекистон U-15 — Кипр U-15 – 3:2
Голлар: Жасурбек Жалолиддинов (34’), Игорь Чиркизов (44’), Темур Мамасиддиқов (79’) – Николаос Неоклеос (2 та)
