«Ливерпуль» клубининг собиқ ҳимоячиси Жейми Каррагер АПЛ 34-турида «Кристал Пэлас» (1:2) клубидан учралган мағлубиятдан сўнг ўз фикрларини айтди.
«Муаммолар ўзгармади, бутун мавсум давомида шу ҳақда гапирилмоқда – марказий ҳимоячилар ва «стандартлар». Ҳар иккала голда ҳам тажрибали футболчи Деян Ловрен хато қилди. У рақиб футболчиларини кўздан қочирмаслиги керак эди.
Бу тургача «Ливерпуль» ва «Манчестер Сити»ни кучли тўртликка киради деб ўйлаётгандим. Аммо энди «МЮ» ва «Арсенал» ҳам курашга қўшилишди. Энди «Ливерпуль»нинг Чемпионлар лигасига чиқиш имконияти – 50/50» - деди Каррагер Sky Sports хабарида.
