"Реал" яримҳимоячиси Матео Ковачичнинг агенти Никки Вушан мижозининг клубдаги ишларидан тўла қониқаётганини маълум қилди.
"Матео кам ўйнаяпти деб ҳисобламайман. "Реал" — Европанинг энг яхши клуби, демак, унда кучли футболчилар кўп. Модрич - дунёнинг энг яхши яримҳимоячиси бўлса керак, Кроос - жаҳон чемпиони, биз яна Ҳамес Родригес ва Искони унутмаслигимиз керак. "Реал"да юлдузлар кўп, аммо клубдагилар Ковачичдан розилар", - дейди Вушан.
Аввалроқ, "Милан" устози Винченцо Монтелла Ковачичга қизиқаётгани хабар қилинган эди.
Матео Ковачич ушбу мавсумда "Реал"нинг 35 та учрашувида майдонга тушиб, 2 та гол урди ва 3 та голга тўп оширди.
