«Бавария» раҳбарияти клуб бош мураббийи Карло Анчелотти тақдири юзасидан баёнот бериб ўтди. Жамоа унинг хизматидан келажакда ҳам фойдаланишни режалаштирмоқда.

«Биз ҳеч қандай оламшумул ўзгаришни амалга оширмоқчи эмасмиз. Фақат керакли жойларга ўзгартиришлар киритилади. Жамоатчилик томонидан клубимизга босим ўтказилишига йўл қўймаймиз.

Клубимиз узоқ йиллардан бери хотиржам ва самарали ишлаб келмоқда. Бу ўз натижасини бермоқда. Анчелоттининг ўрнига бошқа мураббийни олиб келиш масаласи кун тартибига қўйилмаган», – деди "Бавария" клуби бошқарув раиси Карл-Хайнц Румменигге.

«Бавария» мухлислари жамоанинг ушбу мавсумдаги натижаларидан қониқиш ҳосил қилишмаяпти. Клуб Европа чемпионлар лигаси ва Германия кубогидан чиқиб кетиб, фақат Бундеслигада чемпионликни қўлга киритиш учун имкониятни сақлаб турибди.