«Рома» ҳужумчиси Эдин Жеко ўйин услубининг ўзгараётгани ҳақида гапирди.
«Энди ёш бола эмасман. Ёшим ўтиб қолди ва 10 йил олдингидай югуролмаяпман. Мен вақт ўтган сайин тажрибали бўлдим. Ёшликда кўп нарса ҳақида ўйлаб ўтирмайсан, қўлдан келган ишни қилиб кетаверасан. Ёшинг улғайганида эса, каллани кўпроқ ишлатасан.
Спаллетти менга ишонч бағишламоқда. Ҳужумчи учун мураббийнинг далдаси, ишончи муҳим ҳисобланади. У ҳатто танқид қилганида ҳам, футболчининг яхшироқ ўйнашини истайди. Мураббийнинг ишончини ҳис қилсанг, ҳамма ишни енгил бажарасан» - деди 31 ёшли Жеко Independent хабарида.
