«Roma» hujumchisi Edin Jeko o‘yin uslubining o‘zgarayotgani haqida gapirdi.
«Endi yosh bola emasman. Yoshim o‘tib qoldi va 10 yil oldingiday yugurolmayapman. Men vaqt o‘tgan sayin tajribali bo‘ldim. Yoshlikda ko‘p narsa haqida o‘ylab o‘tirmaysan, qo‘ldan kelgan ishni qilib ketaverasan. Yoshing ulg‘ayganida esa, kallani ko‘proq ishlatasan.
Spalletti menga ishonch bag‘ishlamoqda. Hujumchi uchun murabbiyning daldasi, ishonchi muhim hisoblanadi. U hatto tanqid qilganida ham, futbolchining yaxshiroq o‘ynashini istaydi. Murabbiyning ishonchini his qilsang, hamma ishni yengil bajarasan» - dedi 31 yoshli Jeko Independent xabarida.
