«Барселона» ҳимоячиси Хорди Альба жамоадаги ҳолатидан норози эканини гапирди.

Каталонияликлар жорий мавсумда учта ҳимоячи билан тўп сурмоқда, натижада 28 ёшли футболчи асосий таркибдаги ўрнини йўқотди.

«Албатта қанчалик кўп ўйнасам, шунчалик яхши. «Барселона» сафида иложи борича узоқ муддат тўп сурмоқчиман. Футболчи майдонда кўпроқ ҳаракат қилишни истайди, аммо мен жуда кам ўйнамоқдаман.

Жамоанинг ўйин схемасини ўзгариши бунга сабаб бўлмоқда. Бу ҳол менга ёқмасада, бунга кўникишга мажбурман» - деди Альба Marca хабарида.