«Атлетико» ҳужумчиси Антуан Гризманн «МЮ» клубига ўтишга қарши эмас, аммо жуда катта молиявий талабларни қўймоқда.

Франция терма жамоаси етакчиси ҳафтасига 350 минг евро маош олишни истамоқда. Бу нафақат «МЮ»да, балки АПЛ футболчилари орасида ҳам энг кўп маошдир.

Гризманн 5 йиллик шартнома имзоламоқчи. Агар унинг товон пули 100 млн евро эканини инобатга оладиган бўлсак, 26 ёшли футболчининг трансфери «МЮ» клубига 183 млн еврога тушади, деб хабар бермоқда Daily Mail.

Эслатиб ўтамиз, футболчининг «Атлетико» билан тузган шартномаси 2021 йилгача мўлжалланган. Жорий мавсумда у 25 гол уриб, 11 голга ҳаммуаллифлик қилган.