"Реал" ҳужумчиси Криштиану Роналду ЕЧЛ яримфиналининг биринчи ўйинида "Атлетико" устидан қозонилган ғалабадан сўнг (3:0) фикрларини билдирди.

Португалиялик футболчи учрашувда хет-трик қилишга муваффақ бўлди.

"Бутун жамоани табриклайман, у шунчаки ажойиб ўйнади. Биз ўйин бошидан охиригача яхши ўйнадик, голлар табиий равишда келди, биз ғалабага тўлиқ муносиб бўлдик. Облак бўлмаганида биў кўпроқ гол урар эдик.

Хет-трик? Голларимдан хурсандман ва "Реал"даги голларим 400 тага етганидан мамнунман. Жавоб учрашуви олдидан имкониятларимиз ажойиб, аммо ҳали ҳеч нарса ҳал бўлгани йўқ. "Атлетико" - жуда кучли жамоа, аммо ЕЧЛ яримфинали бир ўйиндан иборат эмас.

Стадион олқиши? Мен шунчаки мухлисларнинг ҳуштакбозлик қилмасликларини истайман.Шунда мен улар учун ҳар нарса қилишга тайёрман ва ҳаракат қиламан", - дейди Роналду.