"Монако" бош мураббийи Леонарду Жардим ЕЧЛ яримфиналининг биринчи учрашувида "Ювентус"дан учралган мағлубият (0:2) ҳақида гапирди
"Бугун "Ювентус" биринчи 15 дақиқада устунлик қилди, кейин ўйинни тенгалштирдик. Жамоам яхши ўйин кўрсатди, уларга миннатдорчилик билдираман.
"Юве"га қарши ҳеч кмига осон бўлмайди. Килиан Мбаппе етарли даражада бўш ҳудудга эга бўлмади, у бундай пайтларда вазиятлар яратишни ўрганиши керак. Буффон икки-уч қойилмақом сейвлар қилди, бу "Ювентус"нинг ғалабасида муҳим роль ўйнади.
Қийин бўлади, аммо биз ЕЧЛ финалига чиқишимизга ишонишимиз керак. Франция чемпионатида "Нанси"ни ютишимиз керак, бу бизга Туринга сафар олдидан ишонч беради", - дейди Жардим.
"Ювентус" - "Монако" учрашуви 9 май куни бўлиб ўтади.
