Бугун Ўзбекистон U19 қизлар терма жамоаси Тошкентда Озарбайжонга қарши иккинчи ўртоқлик учрашувини ўтказди.
3 май кунги дастлабки баҳсда 0:0 ҳисоби қайд этилганди. Бугунги ўйинда эса қизларимиз ғалабани тантана қилишди.
Ўзбекистон U19 - Озарбайжон U19 - 2:0
Голлар: Мафтуна Шоимова, Умида Зоирова
Ушбу ўртоқлик ўйинлари ўзбекистонлик футболчи қизлар учун U19 Осиё чемпионати–2017 мусобақасига тайёргарлик вазифасини ўтайди.
Эслатиб ўтамиз, қизлар ўртасидаги U19 Осиё чемпионати–2017 мусобақаси 14–28 октябр кунлари Хитойда бўлиб ўтади. Турнир якунига кўра 1–3 ўринларни эгаллаган терма жамоалар аёллар ўртасидаги У-20 Жаҳон чемпионати–2018 йўлланмасига эга бўлади.
