«Шанхай СИПГ» ҳужумчиси Ҳалк инстаграм саҳифасида мухлисларга мурожаат қилди.

Аввалроқ «Гуйчжоу Чжичэн» мураббийи Хитой чемпионати (0:3) ўйинидан сўнг, футболчини ўзига ҳужум қилганликда, чалиб йиқитиб, «хитойликлардан нафратламан» - деб айтганликда айблаган эди.

«Афсуски, мени обрўсизлантирмоқчи бўлишди. Рақиб мураббийи мени ҳужум қилганликда айблабди. Қаерда шунақа қилибман? Мен ҳеч кимга қўполлик қилмадим. Виждоним пок, бунга Парвардигор гувоҳ.

Мен ўзим яхши кўрган иш – футбол ўйнамоқчиман. Хитойда бахтиёрман. Барча хитойликларни ҳурмат қиламан» - деб ёзди Ҳалк.