Ўзбекистон терма жамоасининг собиқ ҳимоячиси Улуғбек Рўзимов оламдан ўтди.

1994 йилги Осиё ўйинларида ғолиб бўлган Улуғбек Рўзимов 49 ёшида жигар циррози касалидан вафот этди. Бу ҳақда спорт журналисти Камолиддин Алимов фейсбукдаги саҳифасида хабар қолдирган.

Асли хоразмлик бўлган, футболчилик фаолиятида «Навбаҳор», «Пахтакор», «Хоразм», «Металлург» жамоаларида ўйнаган Улуғбек Икрамович Рўзимов охирги йилларда «Пахтакор» академиясининг 12 ёшгача бўлган футболчилари жамоасида мураббий бўлиб ишлаётганди.

У Ўзбекистон терма жамоаси сафида 23 ўйинда майдонга тушиб, 2та гол урган. 1994 йили Осиё ўйинларида ғолиб чиққан. Давлатимиз томонидан «Шуҳрат» медали билан тақдирланган.

Улуғбек Рўзимовнинг оила-аъзоларига, яқинларига ҳамдардлик билдирамиз.