Мюнхен клуби раҳбарлари спорт директори лавозимини бу мавсум охирида профессионал фаолиятини якунлаётган Филип Ламга таклиф қилишган эди.
“Бавария” сардори бу таклифни рад этди. Бугун немис грандининг собиқ футболчиси Штефан Эффенберг ўзини бу лавозимда синаб кўрмоқчи эканини билдириб ўтди.
“Мен ҳалигача клуб билан яхши алоқадаман ва бу фаолият мен учун жуда қизиқ. Мабодо Румменигге мени шу лавозимга таклиф этмоқчи бўлса, у менинг уйимни билади. Такрорлайманки, Маттиас Заммер бу лавозимда ўз ишини аъло даражада бажараётган эди”, - дейди собиқ ҳимоячи Sport1 нашрига.
