2018 йили «Ливерпуль» клуби 125 ёшга тўлади.
Шу воқеа сабабли, клуб Хитойда арзон футболкаларни сотувга чиқаришни режалаштирмоқда.
Айни пайтда жамоанинг расмий футболкалари Британияда 87 доллар нархда сотилмоқда. Бу эса Осиё бозори учун юқори нарх бўлиб, уни сотиб олишга қийналган хитойликлар арзон, аммо қалбаки футболкаларни харид қилишга мажбур бўлмоқда.
Энди «Ливерпуль» Хитой бозори учун мўлжалланган сифатли футболкаларнинг нархини 30 долларга туширмоқчи.
«Биз қалбаки маҳсулотларга қарши курашамиз ва умид қиламизки хитойлик фанатларимиз норасмий ва сифатсиз футболклаарни эмас, балки расмий футболкаларни сотиб олишади» - деди клуб вакили Financial Times хабарида.
