"Реал" бош мураббийи Зинедин Зидан ЕЧЛ яримфиналида "Атлетико"га қарши жавоб учрашувидан сўнг (1:2, биринчи ўйин - 3:0) финалдаги рақиби - "Ювентус" ҳақида гапирди.
"Мен "Ювентус"да улғайдим ва кучлироқ ўйинчи бўлиб етишдим. Бу буюк жамоа. Туринликлар билан финал ўйини мен учун ўзгача бўлади, чунки бу клуб ҳамон менинг юрагимда. Бу ажйиб финал бўлади. Биз ўхшаш йўлни босиб ўтдик, ҳар икки жамоа муносиб равишда финалга етиб келди.
Тайёргарлик кўрамиз, аммо аввал Испания чемпионатида муҳим ўйинни ўтказишимиз керак. "Ювентус" билан ўйинда "Реал"ни фаворит деб аташ мутлақо ноўрин. Туринликларга гол уриш ниҳоятда қийин. Ҳимоя - "Юве"нинг ягона кучли томони эмас. Уларда аъло ҳужумчилар бор", - дейди Зидан.
