"Торино" клубининг спорт ишлари бўйича директори Жанлука Петрачи "Милан" клуби туринликлар ҳужумчиси Андреа Белоттига қизиқаётганини маълум қилди.
Петрачини чоршанба куни "Милан" спорт директори Массимилиано Мирабелли билан кўришган.
"Мирабелли менга Белоттини айнан ўзи истаган ўйинчи эканини айтди. Мен Белотти билан унинг Туринда яна бир йил қолишини муҳокама қилдим. У янада кучли бшлиши керак.
Агар чемпионликни мақсад қилган жамоа таклиф билдирса, Белоттининг трансфери амалга ошиши мумкин. Акс ҳолда у биз билан қолади. "Милан" топ-клубми? Тарих нуқтаи назаридан - ҳа, аммо улар ҳозир соврин учун курашмаяптилар", - дейди Петрачи.
Белотти бу мавсумда А серияда 32 учрашувда 25 та гол урган ва 5 та голга тўп оширган.
