Чемпионлар лигаси яримфиналида «Реал» икки ўйин натижасига кўра «Атлетико»ни (3:0, 1:2) мағлуб этиб, финалга йўл олди.
Натижада «Қироллик клуби» ўз тарихида 19-марта еврокубокларнинг ҳал қилувчи баҳсида майдонга тушадиган бўлди ва бу борада «Барселона»нинг (18) кўрсаткичидан ўзиб кетди.
Умумий ҳисобда, «Реал» 14 марта Чемпионлар кубоги/Чемпионлар лигаси финалида, 2 марта УЕФА кубоги финалида, 2 марта Кубок эгалари кубоги финалида ўйнаган.
«Барселона» эса 8 марта Чемпионлар кубоги/Чемпионлар лигаси финалида, 6 марта Кубок эгалари кубоги финалида ва 4 марта Ярмаркалар кубоги финалида ўйнаган.
