Қибрайда ёшлар лигасининг 10-туридан ўрин олган “Пахтакор”-“Бухоро” учрашуви ўз ниҳоясига етди.

Учрашув давомида ажойиб ҳаракат қилган бухоролик ёшлар якунда 2:0 ҳисобида ғалаба қозонишди.

Учрашувнинг 28-дақиқасида Акобир Тўраев ҳисобни очди. Биринчи бўлим айнан 1:0 ҳисобида якунланди. Учрашувнинг 58-дақиқасида “Бухоро” ёшлари ҳисобдаги фарқни яна оширишга мувоффақ бўлишди. Жамшид Ҳасанов бурчакдан дарвозага тўғридан-тўғри зарба берди, бу тўпни мезбонлар посбони қайтаришга ожизлик қилди. Учрашувнинг қолган дақиқаларида ҳар иккала жамоада тўп киритиш имконияти бўлган бўлса-да, учрашувда ҳисоб бошқа ўзгармади.

“Бухоро” ёшлари турнир жадвалида 18 очко билан якка пешқадамлик қилаётган “Пахтакор” ёшларини сафарда мағлубиятга учратишди ва ўз очколари сонини 17 тага етказиб олишди. Бу ғалабадан кейин бухороликлар турнир жадвалида пешқадамлар сафидан ўрин олишди.

Ёшлар лигаси. 10-тур. Қибрай.

“Пахтакор”(Тошкент)– “Бухоро” (Бухоро) 0:2

Гол: Акобир Тўраев 28, Жамшид Ҳасанов 58

"Пахтакор": Раимов, Алижонов, Ўрунов, Г.Аҳмедов, Авилов, Эрмаматов, Сатторов, Юсупов, Нуруллаев, Иброҳимов, Маҳмудҳожиев

Захира: Ҳамроев, Йўлдошев, Собиржонов, Ғанихонов, Саъдиллаев, Соатов, Р.Жўраев

"Бухоро": Ш.Насимов, С.Каримов, М.Жумаев, М.Муҳиддинов, И.Холиқов, Х.Олимов, А.Тўраев, Жамшид Ҳасанов, Жасур Ҳасанов, Қурбонов, Н.Ҳасанов

Захира: Худоёров, Нарзуллаев, Жўраев, Шодмонов, Дилмуродов, Б.Ҳасанов