Qibrayda yoshlar ligasining 10-turidan o‘rin olgan “Paxtakor”-“Buxoro” uchrashuvi o‘z nihoyasiga yetdi.

Uchrashuv davomida ajoyib harakat qilgan buxorolik yoshlar yakunda 2:0 hisobida g‘alaba qozonishdi.

Uchrashuvning 28-daqiqasida Akobir To‘rayev hisobni ochdi. Birinchi bo‘lim aynan 1:0 hisobida yakunlandi. Uchrashuvning 58-daqiqasida “Buxoro” yoshlari hisobdagi farqni yana oshirishga muvoffaq bo‘lishdi. Jamshid Hasanov burchakdan darvozaga to‘g‘ridan-to‘g‘ri zarba berdi, bu to‘pni mezbonlar posboni qaytarishga ojizlik qildi. Uchrashuvning qolgan daqiqalarida har ikkala jamoada to‘p kiritish imkoniyati bo‘lgan bo‘lsa-da, uchrashuvda hisob boshqa o‘zgarmadi.

“Buxoro” yoshlari turnir jadvalida 18 ochko bilan yakka peshqadamlik qilayotgan “Paxtakor” yoshlarini safarda mag‘lubiyatga uchratishdi va o‘z ochkolari sonini 17 taga yetkazib olishdi. Bu g‘alabadan keyin buxoroliklar turnir jadvalida peshqadamlar safidan o‘rin olishdi.

Yoshlar ligasi. 10-tur. Qibray.

“Paxtakor”(Toshkent)– “Buxoro” (Buxoro) 0:2

Gol: Akobir To‘rayev 28, Jamshid Hasanov 58

"Paxtakor": Raimov, Alijonov, O‘runov, G.Ahmedov, Avilov, Ermamatov, Sattorov, Yusupov, Nurullayev, Ibrohimov, Mahmudhojiyev

Zaxira: Hamroyev, Yo‘ldoshev, Sobirjonov, G‘anixonov, Sa’dillayev, Soatov, R.Jo‘rayev

"Buxoro": SH.Nasimov, S.Karimov, M.Jumayev, M.Muhiddinov, I.Xoliqov, X.Olimov, A.To‘rayev, Jamshid Hasanov, Jasur Hasanov, Qurbonov, N.Hasanov

Zaxira: Xudoyorov, Narzullayev, Jo‘rayev, Shodmonov, Dilmurodov, B.Hasanov