Uzbek Tigers боксчилари 13 май куни Бутунжаҳон Бокс серияси (WSB) доирасидаги чоракфинал босқичининг илк баҳсини ўтказади
Жанглар Самарқанд шаҳридаги «Мўъжиза» амфитеатрида бўлиб ўтади.
Ўзбекистонлик боксчилар амалдаги чемпион - Кубанинг Domadores жамоасига қарши рингга кўтарилади. Жамоа мураббийлари мазкур баҳсга кучли таркибни танлашган. Ўз ўрнида кубаликлар ҳам Ўзбекистонга асосий таркиб билан етиб келган.
Жуфтликлар:
49 кг: Ҳасанбой Дўсматов - Жоханус Аргилагос
56 кг: Муроджон Аҳмадалиев - Хавер Ибаньес
64 кг: Иқболжон Холдоров - Энди Круз
75 кг: Исроил Мадримов - Арлен Лопес
91 кг: Санжар Турсунов - Эрисланди Савон
Бугун боксчиларни тарозида ўлчаш маросими ҳамда ОАВ ходимлари учун матбуот анжумани ташкил этилади.
Эслатиб ўтамиз, жамоаларнинг жавоб баҳси 20 май куни Куба пойтахти Ҳавана шаҳрида ўтказилади.
