Норвегия терма жамоаси ярим ҳимоячиси Мартин Эдегор ёзда “Реал”га қайтмайди. Omrop Friesland нашрининг хабарига кўра, футболчи яна бир мавсум “Херенвен”да фаолиятини давом эттиради.
Эслатиб ўтамиз, “қироллик клуби” норвегиялик ёш футболчини голландияликларга ижара асосида юборган.
“Херенвен” раҳбарияти Эдегорнинг ҳаракатларига паст баҳо беришган бўлсада, уни ўз таркибларида яна бир мавсум олиб қолишга қарши чиқишмаган.
Маълумот учун, Эдегор жорий мавсум “Херенвен” таркибида 13 учрашувда майдонга тушиб учта фойдали узатмани амалга оширган.
