Туркиянинг “Галатасарой” клуби трансфер ҳуқуқи асли “Валенсия”га тегишли бўлган Альваро Негредони сотиб олиш мумкин. Milliyet нашрининг хабарига кўра, истамбулликлар тажрибали ҳужумчи билан жамоа ҳужум чизиғини кучайтиришмоқчи.
Маълум бўлишича, “Валенсия” Негредони янги мавсум рўйхатига қўшмаган. Вазиятдан фойланишни режалаштирган “Галатасарой” раҳбарияти футболчи учун уч миллион евро тўлашга тайёрлигини билдирган.
Маълумот учун, Альваро Негредо жорий мавсум Англиянинг “Мидлсбро” клубида ижара асосида тўп сурди ва 38 учрашувда 10 та гол муаллифига айланди.
