"Қўқон-1912" клуби 19 йиллик рекордини янгилади.

Олий лиганинг 11-туридан ўрин олган “Локомотив”га қарши ўйинда дуранг (1:1) натижа қайд этган “Қўқон 1912” жамоаси мағлубиятсиз сериясини 10та ўйинга етказди ва бу борадаги клуб рекордини янгилади.

1998 йилда Баҳром Ҳакимов бошқарувидаги қўқонликлар 6-турдан 15-тургача, жами – 9та ўйинда мағлубият нималигини билмаган эди. Ўшанда жамоа 6та ғалаба ва 3та дурангга эришган, тўплар нисбати – 20-9 бўлган.

Жорий мавсумда “Қўқон 1912” биринчи турда “Насаф”дан учралган мағлубиятдан бери ютқазгани йўқ. Бу эса барча жамоалар ичида энг узун серия ҳисобланади. Ўтган ўнта учрашувда жамоа 5та ғалабага эришди ва 5та учрашувда дуранг қайд этди. Тўплар нисбати – 16-9.

Қўқонликлар кейинги тур учрашувини ўз майдонларида “Бухоро”га қарши ўтказади.