"Qo‘qon-1912" klubi 19 yillik rekordini yangiladi.
Oliy liganing 11-turidan o‘rin olgan “Lokomotiv”ga qarshi o‘yinda durang (1:1) natija qayd etgan “Qo‘qon 1912” jamoasi mag‘lubiyatsiz seriyasini 10ta o‘yinga yetkazdi va bu boradagi klub rekordini yangiladi.
1998 yilda Bahrom Hakimov boshqaruvidagi qo‘qonliklar 6-turdan 15-turgacha, jami – 9ta o‘yinda mag‘lubiyat nimaligini bilmagan edi. O‘shanda jamoa 6ta g‘alaba va 3ta durangga erishgan, to‘plar nisbati – 20-9 bo‘lgan.
Joriy mavsumda “Qo‘qon 1912” birinchi turda “Nasaf”dan uchralgan mag‘lubiyatdan beri yutqazgani yo‘q. Bu esa barcha jamoalar ichida eng uzun seriya hisoblanadi. O‘tgan o‘nta uchrashuvda jamoa 5ta g‘alabaga erishdi va 5ta uchrashuvda durang qayd etdi. To‘plar nisbati – 16-9.
Qo‘qonliklar keyingi tur uchrashuvini o‘z maydonlarida “Buxoro”ga qarshi o‘tkazadi.
