"Челси" клуби "Монако" яримҳимоячиси Тьемуа Бакайоконинг трансфери бўйича яна ҳаракатларни бошлади, дея хабар беради The Telegraph.
Лондон клуби келгуси ҳафтада футболчи учун Франция клубига 50 млн евро таклиф қилмоқчи. "Челси"нинг трансфер бюджети раҳбарият томонидан 233 млн еврога оширилганидан сўнг бу ҳаракат бошланди. Бакайоконинг трансферига аристократлар ҳужумчиси Миши Батшуайи қўшилиши мумкин.
"Челси" шу йилнинг март ойида Бакайоко учун 38 млн евро ва яна 5 млн евро бонус сифатида таклиф қилган эди. 22 ёшли футболчи ушба мавсумда барча мусобақаларда 50 учрашув ўтказиб, 3 та гол урган ва бир голга тўп оширган.
