«Челси» бош мураббийи Антонио Конте Англия чемпионатида ғолиб чиққани учун олган мукофот пулини нимага сарфлашини айтди.
«Мукофот пулим каттами? Барчаси нисбий ва нимани сотиб олишингизга боғлиқ.
Уни Италиядан уй сотиб олиш учун сарфлайман. Лечче шаҳрида ота-онам яшайди, уларни бориб кўраман. Кейин Туринга ўтаман. Яхшилаб ҳордиқ чиқармоқчиман. Ўтган йили Евро-2016 туфайли бундай имкониятим йўқ эди.
«Хотиржамлик» деган сўзни ёмон кўраман, «завқланиш» деган сўзни ишлатишни афзал биламан. Биз ҳозир унвон билан завқланишимиз лозим. Жамоа оғир йўлни босиб ўтди. Шунинг учун ҳам натижа билан завқланишимиз лозим» - деди Конте.
