"Арсенал" бош мураббийи Арсен Венгер жамоасининг ЕЧЛ-2016/17 мусобақасига чиқа олмаганини шарҳлади.
"Менинг "Арсенал"га бўлган муҳаббатимга шубҳа қилмаслик керак, бу клубни бутун умр севаман. Келажагим ҳақида Англия кубоги финалидан сўнг раҳбарият билан гаплашамиз. Асосийси, жамоа таркибини сақлаб қолиш, чунки бизда юқори савияли футболчилар ўйнайди. Нима бўлишидан қатъий назар, бу таркиб келаси йил ёки кейинроқ АПЛда ғолиб бўлишига ишонаман. Агар таркибни сақлай олсак, келаси мавсумда кучли жамоа бўламиз.
Бу мавсумда декабрь ойигача жиддий жамоа бўлдик, чемпионлик учун курашдик, кейин бизда шўнғиш бўлди. Бир кун келиб бунинг сабабини айтаман", - дейди Венгер.