«Барселона»нинг собиқ президенти Жоан Лапорта 2016/17 мавсуми якунланганидан сўнг, клуб раҳбариятини кескин танқид остига олди.
Жамоа Испания чемпионатида 2-ўринни эгаллади ва Чемпионлар лигасида муваффақият қозона олмади.
«Энди кўнглингиз жойига тушдими? «Барселона»ни ёлғон, сафсата ва ҳийла-найранг эгаллаб олган» - деб ёзди Лапорта твиттер саҳифасида.
Маълумки, Лапорта «Барселона» президенти Хосеп Мария Бартомеу билан ҳеч қачон чиқишолмаган. Бу гап аввалги президент Сандро Роселга ҳам таллуқлидир. Ўз навбатида у, 2010 йилда истеъфога чиққан Лапортани клуб пулларини ўғирлаганликда ва молиявий аҳволини оғирлаштирганликда айблаган эди.
