"Барселона" бош мураббийи Луис Энрикенинг ёрдамчиси Хуан Карлос Унсуэ "Сельта"ни бшқаришга жуда яқин турибди, дея хабар беради Faro de Vigo.

Манбага кўра, музокара жараёни жуда омадли кечмоқда ва томонлар яни бир неча масалаларни ҳал қилсалар бўлгани. Яқин соатлар ичида бутунлай келишувга эришилиши мумкин. Бу ҳолда "Сельта" мураббийлар штабига Луис Энрикенинг бошқа ёрдамчилари ҳам келишлари мумкин.

Аввалроқ испан матбуоти Унсуэни "Барселона" бош мураббийи вазифасига асосий номзод деб ёзишган эди, аммо сўнгги вақтлар давомида Эрнесто Вальверденинг номи кўпроқ тилга олинмоқда.

2014 йилдан "Сельта"ни бошқариб келаётган Эдуардо Бериццо клуб билан шартномасини узайтирмади.