Лондоннинг "Арсенал" клуби ҳужумчиси Алексис Санчес мухлислар орасида ўтказилган сўровномада ғолиб чиқишга муваффақ бўлди.
У "канонирлар"нинг 2016/17 мавсумидаги энг яхши футболчиси деб топилди. Чилилик футболчи бу совринни уч йил ичида иккинчи маротаба қўлга киритмоқда. Ўтган мавсумда у Месут Ўзилдан кейин иккинчи ўринни эгаллаганди.
2016/17 йилги мавсумда эса Санчесдан кейинги поғоналарни яримҳимоячи Алекс Ослейд-Чемберлен ва ҳимоячи Лоран Коселни эгаллади.
Ўтган мавсумда 28 ёшли Алексис Санчес барча мусобақаларда жами 50та учрашувда майдонга тушиб, 29та гол урди ва 19та голга ассистентлик қилди.
