"Челси" бош мураббийи Антонио Конте Англия кубоги финалида "Арсенал"дан учралган мағлубият (1:2) ҳақида фикрларини билдирди.
"Учрашувдаги биринчи гол ғалати бўлди. Биз ўйинни ёмон бошладик, шунинг учун биринчи 25 дақиқа сабр қилишимизга тўғри келди.
Иккинчи бўлимда яхшироқ ўйнадик, аммо қизил карточка ҳаммасини ҳал қилди. Мен вазиятнинг такрорини кўрмадим, шунинг учун ҳакамнинг бу қарорига тушунишга қийналдим.
"Арсенал"нинг биринчи голида қўл билан ўйналган эди, у ерда офсайд бормиди, йўқмиди, бунинг аҳамияти йўқ.
"Арсенал" ўйинни яхши бошлади, улар бизни ҳайрон қолдиришди, шунинг учун дастлабки 25 дақиқада улар жуда яхши кўринишди.
Биз бундай финалдан афсусдамиз, аммо бундай ҳолатлар футболда бўлиб туради. Мозес яхши ўйнади, бу унинг учун муҳим мавсум эди.
Биз ақлбовар қилмас мавсум ўтказдик, АПЛда қойилмақом ғалабага эришдик. Аммо нди келажак ҳақида ўйлаб, бу натижани такрорлашга ҳаракат қиламиз", - дейди Конте.
